› 選擇地區
三藩市
紐約
洛杉磯
其他美國地區
香港 台灣 北美
 
2015年07月07日

梁愛詩:組織佔中不一定違法

梁愛詩

【本報訊】內地剛通過的《國家安全法》,惹起部份人擔心在香港組織平反六四和佔中的人士,返回內地時會否被捕。基本法委員會副主任梁愛詩指,六四晚會和佔中不一定涉國家安全,重點是要有煽動行為推翻中國政權;她又不認為中央向香港施壓重推23條立法。
梁愛詩昨出席商台節目時回應,組織佔中和六四晚會並不一定會犯法:「佔中嘅運動目的係針對推翻中國嘅政權咩?我覺得政改問題係本地問題……(佔中目的是)推翻人大嘅決定,佢亦都唔係叫人去組織武裝,去推翻人大決定,係咪?」

不認為中央催推23條

至於支聯會高喊「結束一黨專政」有否違《國安法》,她指這屬言論,煽動須有行為:「有冇行為、有冇能力(推翻政權)等,要佢哋自己先至知。」她指,六四集會包含很多東西,不能一概而論,若用六四來煽動推翻政權,就屬危害國家安全:「我唔知道(支聯會主席)李卓人議員做過啲乜嘢,令佢好擔心。」
她認為,京官不能逐一就港人每個行為界定是否違法,但很少有行為單在香港進行,已算違反內地法律:「有好多行為一部份喺香港做,一部份喺內地做,好少話係完全喺香港做一啲行為,係會影響國家安全。」
梁愛詩續指,中國國民有維護國家安全義務,「你要先問你應唔應該做,唔好話做咗呢件事會有乜懲罰、會否受到懲罰」。她強調《國安法》非針對香港:「我唔覺得中央喺立法時,只係睇香港本土主義或者香港一小撮人提倡嘅輿論。」梁愛詩不認為今次中央催迫特區政府重推23條立法:「冇咁嘅資料顯示中央要施壓令香港落實23條,係有需要去做(為23條立法),不過幾時做,政府就要掌握邊一樣嘢係先後緩急。」
■記者姚國雄

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載