› 選擇地區
三藩市
紐約
洛杉磯
其他美國地區
香港 台灣 北美
 
2015年06月30日

政壹花生友:
侯志強出戰新東 突吹淡風 - 花生友

侯志強話出唔出戰新東補選,唔係佢一個人話事。 資料圖片

湯家驊10月1日正式辭任立法會議員,唔少人睇住呢個議席口水都流晒,身兼上水鄉委會主席嘅北區區議員侯志強就獲鄉議局新主席劉業強游說出戰。唔知係咪中央未有心水佈局,令早前磨拳擦掌嘅侯志強對係咪出選突吹淡風,強調一切要謀定而後動。
侯志強噚日同花生友講起新界東補選,好坦白咁話新主席「發仔」叫佢考慮去馬,但鄉議局係咪派人出戰,要睇鄉議局嘅政制事務委員會有咩決定,唔係佢一個人話事。

2016參選勝算較大

佢個人分析,單睇新界東形勢,現時泛民同建制六三開,建制派要贏嘅機會真係唔大,即使泛民協調唔到,派兩支旗出嚟,而建制派只一人出戰,建制派輸嘅機會仍然好大。佢話如果留番2016年先參選,比例代表制下,鄉議局勝出嘅機會大啲。講吓講吓,本來雄心壯志嘅佢,似乎想喺補選食花生多啲。
如果鄉議局補選最終唔派人,會唔會幫其他建制派抬轎先?向來牙擦嘅侯志強話,咁梗係睇吓有冇人要鄉議局幫手先啦,冇理由人哋都未叫,自己走出嚟幫手㗎嘛。簡單嚟講,即係邊個要鄉議局嘅票,應該主動嚟「拜票」。佢又透露,過去一年多,每個星期都會包起一家餐廳,畀50個街坊報名擦番餐,每個人頭使費為30幾蚊,佢話覺得呢個做法好過其他黨派掛「成功爭取」嘅橫額。

花生友

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載