› 選擇地區
三藩市
紐約
洛杉磯
其他美國地區
香港 台灣 北美
 
2015年06月27日

獲贈新義肢
信叔:多謝呢班無名英雄

「只係一段報道,就咁多人關懷我,捐錢畀我,多謝呢班無名英雄!」半生經歷喪親、離婚及中風等打擊的信叔,3年前再因小腿血管閉塞要截去雙腳小腿,配戴義肢卻因不合身而受傷。上月《蘋果》報道信叔的情況後獲熱心讀者捐款,讓他安裝新義肢的願望成真,日前他往訂做「新腳」,希望「遲啲可以戴住新義肢去迪士尼」。

記者:馮詩媚

過去3年,信叔都配戴義肢,但因斷肢位置與義肢不合位,導致斷肢位置磨損、發炎,每次配戴義肢,行路不過5分鐘便劇痛難當,「行兩行就磨得好痛,要抖一陣先可以再行」。

讀者捐助信叔安裝新義肢,令他重燃希望:「好感激幫過我嘅人,希望可以用大家捐畀我嘅義肢重新行路,即使行10分鐘、15分鐘,甚至半個鐘,我已經好滿足。」

信叔原本打算在政府醫院安裝義肢,但物料重達300克,加上其他配件,重上加重。他求助曾協助不少義肢跑手的義肢矯形師杜旭榮,杜檢查後指信叔斷肢位置太短,加上舊義肢較重,所以郁動時容易擦傷,現時會採用只重105克的義肢。

願望可以成真,信叔已定下未來大計:「想去迪士尼樂園,人哋話好靚,好想去行吓,但去咁遠,對我哋傷殘人士嚟講,係一個挑戰!」

新義肢可以讓他重新行路,但前路還是崎嶇。特別是炎炎夏日,穿戴義肢會惹來別人奇異目光,他曾穿短褲出街露出義肢,卻竟招人不滿說:「你咁著,會嚇親小朋友!」又試過有人見到義肢,明明坐在身旁都避開去。

面對逆境,信叔以「人總需要勇敢生存」為座右銘,鼓勵自己。他寄望新義肢帶來新轉變,日後會去當義工,幫助和鼓勵其他傷殘人士,他感激地說:「報道以來,唔止收到捐款,仲收到好多讀者寫紀念卡畀我、鼓勵我,深深感受到雪中送炭,衷心多謝大家。」

「蘋果日報慈善基金」較早前已從S0005「家居援助專戶」撥款為他添置煤氣煮食爐。最近經關顧主任適切了解後,基金將用其善款支付義肢購買費用,讓他可再「走」人生路。

「信叔」捐款編號:C3846
網上捐款: http://bit.ly/1nQRthE

蘋果日報慈善基金
電話:29908688
傳真:23076307
電郵:mailto:charity@adfund.org.hk
WhatsApp:98627828
網址: http://charity.appledaily.com.hk
蘋果基金facebook專頁: http://goo.gl/eYKB89
蘋果基金YouTube頻道: https://goo.gl/qVvmiB
蘋果基金接收捐款戶口
滙豐銀行:580-198836-001
恒生銀行:368-006565-001
中國銀行:012-898-00067655

捐款方法: http://bit.ly/1mxhIET

蘋果日報慈善基金於一九九五年成立,乃根據《稅務條例》第88條獲豁免繳稅的慈善機構,接受市民捐款外,《蘋果》捐出1%盈利,幫助有需要的人和資助有意義的社會及教育活動,一切行政費用由《蘋果》支付,善款的一分一毫,全數用於受惠人所需。蘋果基金務求按照捐款人意願,把善款送交指定受惠人。然而個別受惠人可能因長期離港及搬遷等情況以致失去聯繫,甚或受惠人已經逝世或拒收捐獻,有關善款將撥捐蘋果基金作其他慈善用途。

網上捐款 捐款記錄
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載