› 選擇地區
三藩市
紐約
洛杉磯
其他美國地區
香港 台灣 北美
 
2015年06月24日

政改否決 李嘉誠:非常失望

【本報訊】曾指「政改不通過人人是輸家」的長和主席李嘉誠,昨日出席長和股東會時坦言,對政改表決結果「非常失望」,但對行政長官梁振英會否連任、議案遭否決責任誰屬等提問一律不予評論,「唔批評呢啲囉,大家都注意緊,我一個人講都冇用」。
「簡單嚟講,當然係非常失望。只能夠講咁多,其他唔講喇」,不過李嘉誠認為,香港的營商環境「仲好多機會」。而被問及政改否決後會否重新考慮撤資,他再次重申,自己一直沒有撤資,強調自己在香港擁有大量資產。

相關新聞:林大輝:離場決定低智

不評論梁振英會否連任

李嘉誠另為出售港燈部份股權解畫,「如果一間公司成日買嘢,有啲賣出係唔出奇嘅」,而對於旗下零售業務的發展,李嘉誠指未來仍然會繼續擴張,指目前全球有1.2萬間店舖,估計明年底將增至1.3萬間。
談到地產業務,他指長實在中國、香港、新加坡也「好想買地」,但由於部份地皮價格太高,未符合預算,地皮「麵粉價」比「麵包價」更貴,但相信未來一年仍具機會,繼續研究買入機會。
港交所的不同投票權架構(俗稱同股不同權)第一輪諮詢上周五出爐,李嘉誠回應表示,「應該好仔細考慮,我不嬲認為同股同權係啱嘅,喺外國好多都係同股同權」。不過,他不回應長和系重組後會否增加派息,也不評論中港股市,只表示「股市不嬲唔講,我唔想害人」。另李嘉誠對行政長官梁振英會否連任等提問則一律不予評論。
■記者馮健鏗

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載