› 選擇地區
三藩市
紐約
洛杉磯
其他美國地區
香港 台灣 北美
 
2015年06月20日

田北俊諷拉隊者扮領袖

田北俊

【本報訊】前日未有參與「等埋發叔」的自由黨,一直遭部份離場建制派議員批評「未有跟大隊」,該黨榮譽主席田北俊昨日反擊,指拉隊離場的經民聯林健鋒、民建聯葉國謙,若自視為建制派領袖、自由黨一定會跟隨,完全是「一廂情願」,該黨主席鍾國斌更批評,林將建制派在政改投票失場責任,推到自由黨身上,完全是「扭曲晒黑白是非」。
有份離場的民建聯蔣麗芸,昨日透過社交網站批評未有離場的建制派議員,因有人「自我」才未有跟隨大隊離場。

相關新聞:【一曲訴心聲】投唔到票 葉劉哭了

「你話走我就走仲使分黨派」

田北俊昨日出席電台節目時重申,自由黨並沒有收到通知要離場「等埋發叔」,又指建制派沒有領袖,若林健鋒和葉國謙自以為是,就是兩人「一廂情願」,更反問「邊個可以話建制要集體離場呀?我哋建制派有個主席咩?我冇選過佢哋任何一個做主席喎」,又指「你話走我哋就乜都唔問喇,你話走我就走,咁我哋仲使分黨派咩?」對於太「自我」指控,田北俊反駁說:「田北俊不嬲都自我。」
鍾國斌出席另一電台節目表示,日前建制派離場時快將進行政改表決,「冇理由離開唔去㩒掣表決」。對於林健鋒前日形容事件為不幸,因為林健鋒不知道原來尚有建制派沒有離場,鍾國斌反駁「我覺得真係扭曲晒黑白是非」,因為林事前既無與建制派溝通,又反問等候劉皇發回來「係咪咁重要?」,「等多一個議員就可以改變咗個投票結果?」
■記者呂浩然

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載