› 選擇地區
三藩市
紐約
洛杉磯
其他美國地區
香港 台灣 北美
 
2015年06月18日

隔牆有耳:
王國興晒小學雞畫功 - 李八方

王國興呢幅畫唔只博到上鏡,仲令到林鄭要忍笑(小圖)。 羅君豪攝

一向鍾意博上鏡嘅工聯會王國興,噚日喺議員好緊張開會期間,突然話要幫記者紓緩吓政改表決前嘅緊張氣氛,佢主動走向記者群,話要介紹兩幅佢親手畫嘅漫畫,話希望透過漫畫感動泛民,令佢哋轉軚支持政改。
雖然畫畫嘅嘢八方識條鐵咩,但亡國興高舉嗰兩幅畫,相信唔識畫畫都覺得畫功近乎小學雞水平,用箱頭筆求其畫嘅其中一幅叫「21世紀葉公好龍」,主要係想寸泛民對落實普選係「葉公好龍」,唔係真心想要普選,又指圖中一名掛住袋巾嘅人不斷就普選問題「搬龍門」。
至於另一幅大作就叫做「泛民變臉把戲」,批評泛民議員就普選立場經常變臉喎。
八方唔多相信咁挑釁性又小學雞嘅畫功可以感動泛民,但可以肯定佢高舉大作發言時,搞到林鄭都要忍笑。

相關新聞:隔牆有耳:立會迎戰 寫紙仔提醒自己保重林鄭好打得變太上心

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載