蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年06月15日

長毛:億元買票金額虛構

【本報訊】社民連立法會議員梁國雄(長毛)前天稱有中間人開價1億元,換取他投票支持政改方案,事隔一天,他澄清1億的金額純屬虛構,但情節屬實,指當時對方曾說相關數目「夠我兩世用」。特首梁振英昨主動回應事件,質疑不單金額,整件事也或是虛構,促梁國雄向廉政公署舉報。

相關新聞:林鄭指摘泛民誤判形勢

稱中間人說「夠兩世用」

梁國雄昨午接受傳媒訪問時直認,「嗰1億(中間人開價換挺政改)係我自己講嘅,如果我唔講1億,你哋啲記者就唔會出」。但他強調情節屬實,春節後曾有人接觸他稱是替內地老闆做事,「佢個(中間人)原話係,叫我畀個回覆佢,(金額)夠我兩世用……其實我𠵱家講10億都得㗎,因為佢真係叫我自己講個價錢出嚟」。
梁振英其後出席一公開場合時,主動回應梁國雄,強調政改是一件嚴肅的事,買票屬犯法,「呢個揑造嘅事件係嚴重嘅」,希望梁國雄盡快交代,並質疑:「佢揑造嘅或者係佢講嘅虛構,係咪只有呢個金錢嘅數額?抑或係整件事都係虛構同揑造嘅?」
梁振英並且指出,梁國雄聲稱春節時已經收到所謂中間人向他提出一個相關的要求,反問「點解佢當時唔出來向社會交代?」促請對方盡快向廉署舉報事件。
政務司司長林鄭月娥則形容以錢買票的傳聞荒謬,指相關傳聞及報道的目的,只是「驚一啲泛民議員會轉軚或回心轉意」支持政改方案。
■記者許偉賢

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載