› 選擇地區
三藩市
紐約
洛杉磯
其他美國地區
香港 台灣 北美
 
2015年06月14日

陶傑:楊光女婿是英國白人

工聯會前會長楊光昨晚設靈,一眾工友到場致祭。

【本報訊】時事評論員陶傑回顧楊光一生,「1967嘅鬥爭我覺得最有創意嘅口號,係紅燒白皮豬,生劏黃皮狗」。他稱白皮豬是指當年香港白種人,黃皮狗指由港人出任的警察及政務官。「嗰時曾蔭權同梁振英阿爸唔知係咪做緊警察,如果係應該包括埋呢兩條大人物嘅令尊翁都算係黃皮狗」。

相關新聞:商台前監製:冇理由表揚佢

「送個女去英國讀書」

當年鬥爭認為英國人是萬惡,楊光身為鬥委會領導,思想更「側咗去嗰邊」,「後來鄧小平話大家要走資,聽番上面支笛大家咪又變番正常囉」。陶指「後來(楊光)連個女都送埋去英國讀書,嫁埋英國佬,咁有個英國女婿又算唔算白皮豬呢?我都好想問吓楊光先生,可惜佢𠵱家唔喺度啦」。
前港區人大代表吳康民早前稱楊光當年只是傀儡,聽命新華社。陶傑指當年香港新華社社長梁威林及副社長祁鋒等人對上領頭是廖承志,廖的靠山是中央軍委副主席陳毅及總理周恩來,「後來外交部加港澳呢條線畀毛澤東炒起咗,下面嗰班斷晒線」。梁、祁等下線眼見文革翻天覆地,怕被當成走資派召返中國勞改,便揣摸上意發起六七暴動,楊光只是領導工會參與。
■記者梁御和

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載