› 選擇地區
三藩市
紐約
洛杉磯
其他美國地區
香港 台灣 北美
 
2015年06月13日

隔牆有耳:
青年民記交棒搞大龍鳳 - 李八方

一眾青年民建聯同該黨立法會議員喺空中花園影大合照。

新一屆青年民建聯委員會噚日宣佈正式成立,前主席周浩鼎正式交棒畀民建聯觀塘區議員顏汶羽。周浩鼎係《城市論壇》之友,經常代表建制陣營同泛民開片,今次佢交棒亦都將呢個衣鉢傳埋畀顏汶羽,仲話對顏汶羽充滿信心。
成班青民聯噚日殺入立法會搞大龍鳳造勢,但係得民建聯主席李慧琼、議員葉國謙、黃定光、陳鑑林同埋葛珮帆現身撐場,其他大佬除咗譚耀宗好遲至出現外,一律唔見人。
佢哋成班先走咗去立法會5樓空中花園影大合照,然後再聽黨主席李慧琼分享內地演員張靜初,如何朝夢想奮鬥嘅勉勵小故事。周浩鼎上位靠《城壇》,家陣輪到顏汶羽,顏汶羽似乎幾有信心,明白需要喺廿幾卅秒內講出政策重點,又要反映到青年人心聲,所以今次青民聯仲整咗個新facebook專頁,叫做「young DAB」,大家有興趣可以去𥄫𥄫。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載