蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年06月07日

小一派位放榜 雙非家長反擊本土派:
唔係我哋,港校有人讀?

【本報訊】小一統一派位昨放榜,焦點所在的上水跨境學童校網派位中心,警方派出逾百警員,嚴陣以待兩本土派團體反雙非示威,最終未有發生衝突。有獲派第一志願的雙非家長斥示威者無聊,更指「唔係我哋班大陸人嚟,你哋啲香港學校有人讀咩?」學者指內地人未必能夠代入港人處境思考,僅個別人士有類似想法。
記者:倪清江 呂家敏

相關新聞:大陸婦陪女上學 擬千萬置業

今年有約2,600名跨境學童報讀專用統一派位校網,大部份是雙非,上水香海正覺蓮社佛教正慧小學是四間跨境校網派位中心之一;另三間設於粉嶺、天水圍和屯門。警方在校外以鐵馬分隔示威區及家長出入學校區,相距約15米。逾百名警員高度戒備,教育局及正慧小學禁止記者入校採訪。香港本土力量成員率先持着「蝗童返大陸」橫額到來示威,其後熱血公民成員也到場「開咪」批評雙非搶資源和學位。曾有居民離遠斥罵他們,但集會最終於中午和平結束。

佛教正慧小學提早在8時半前,已容許家長進入校內領取派位結果。不少家長笑着進場,但為未獲派上水小學而失望離開,當中較多被派到屯門,其次是天水圍,也有個別被派到馬鞍山和青衣。居於福田的單親港媽謝女士,因幼子被派到天水圍小學而一面惆悵,「估計返學要兩個鐘,去到咁遠,唔知點算!」雙非家長張太的女兒獲派第一志願打鼓嶺小學,她稱接受,但不滿意,「冇辦法,上水太逼啦,係自己揀,但嗰度太遠啦」。她說會搬近沙頭角口岸居住,但不會搬來港。

相關新聞:內地童報住港地址 成功突圍

學者:個別難代入港人處境

被問及附近的示威行動,張太怨氣即連珠炮發,「我對嗰班人無話可講,真係。因為我哋都係按照正常途徑過嚟生,唔係非法。成日話我哋搶咗佢嘅嘢,我哋搶咗佢乜嘢?試諗下,唔係我哋班大陸人嚟,你哋啲香港學校有人讀咩?係咪先?」
張太再指他們「冇諗到有咁多無聊人冇事做」,又指雙非長大後會貢獻香港,「大家互相互利啫,第日我哋啲小朋友喺度成長、工作,咪一樣交稅。成日話我哋搶咗乜嘢啲福利,我哋大人喺內地,小朋友(第日)納稅,福利邊個享?係我哋享咩?唔係嘛,你哋呢邊啲人享之嘛!」張太言論昨引起網民極大迴響,網上不少留言叫她帶女兒回深圳讀書。

另一雙非家長黃女士稱雙非在港出生,就有權接受香港教育,不認同是爭資源和學位。她不滿本土派團體以「蝗童」形容雙非,「怎稱呼別人是自己質素問題,我罵你是我質素低」。
對於本土派和雙非家長看法南轅北轍,理工大學應用社會科學系助理教授鍾劍華認為,內地人未必能夠代入港人處境思考,「有啲人覺得經濟同香港拉近,心態上財大氣粗,有啲咁諗法唔出奇」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載