› 選擇地區
三藩市
紐約
洛杉磯
其他美國地區
香港 台灣 北美
 
2015年06月03日

父母擔心片段外洩

黃小姐︰「其實喺學校範圍內已經好安全,根本唔需要再安裝閉路電視。」

【本報訊】對於有幼稚園在廁所裝閉路電視,大部份家長均難以接受,因涉私隱問題,擔心一旦處理不當,影片有外洩危機。《蘋果》在街頭訪問20名家長,幾乎一面倒批評措施侵犯學童私隱。

相關新聞:私隱署查是否違例

「任何原因都唔可以」

記者就「學校以保安理由在學童洗手間內安裝閉路電視,是否可以接受?」隨機訪問20位家長,當中有2人表示理解有關做法,其餘18人則指無法接受。家長朱先生說:「梗係唔可以,𠵱家細路仔喺屋企去洗手間都會閂門,最擔心啲影片俾人做另一啲用途。」另一家長蔡先生表示:「如果要監察,其實有老師或者嬸嬸,咁樣會好過安裝閉路電視。」家長莊小姐直斥該校做法不當,「雖然係小朋友,但任何原因都唔可以喺廁所裝閉路電視」。
外國有學校在洗手間附近安裝閉路電視掀爭議。英國團體於2012年發表調查指,英格蘭、威爾斯及蘇格蘭逾2,000間學校中,九成在校內安裝閉路電視,有逾200間學校更在廁所及更衣室裝有閉路電視。雖然有學校表明只會拍攝洗手間門口,不會拍攝廁格,但引起家長不滿,炮轟侵犯子女私隱。
■記者阮斌

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載