› 選擇地區
三藩市
紐約
洛杉磯
其他美國地區
香港 台灣 北美
 
2015年06月03日

政壹花生友:
本土派和平散水被怒插 - 花生友

立法會外圍欄日前遭本土派示威者拆毀。

本土派成日鬧左膠泛民淨係識搞唱K遊行,冇成果之後畀啲掌聲自己,之後就和平散去,不過到本土派自己搞又點呢?原來同左膠係冇乜分別!呢個唔係花生友講,而係本土派自己友怒插本土反政改遊行!
話說中大本土學社、科大行動、本土思潮等多個本土團體,喺5月30日搞嘅反政改遊行,究竟有幾多人知同關心,花生友就唔講,傳媒話有百幾人參加,佢哋就話有500人,但呢個都唔緊要,最重要嘅係,竟然有自稱係搞手嘅人喺高登發帖,總結530本土反政改遊行,聲稱「今日既(嘅)人數已經合格」、又話呢500人係「出黎(嚟)曬(晒)馬比(俾)泛民睇,等泛民唔好覺得我地(哋)本土派係垃圾,以及比(俾)公眾認識下我地(哋)本土既(嘅)力量」,仲為佢哋一見人衝立法會就宣佈解散辯護,「夾硬要衝只會死傷慘重」。

高登仔:廢過左膠

有左膠社運人士同花生友講,佢睇完笑到收唔到聲之餘,原本諗住回兩句潤下佢哋,點知佢未出手,班本土高登仔已圍插個搞手,「搞手希望搞一個冇示威效果既(嘅)抗爭行動、左膠式行動、左膠式抽水」,「本土x真係好x柒,得百幾友已經柒, 仲要拆完板即刻逃走,勇乜嘢武?當初唔係日x夜x左膠廢架(㗎)咩?點x知你地(哋)仲x廢」,結果變成一場本土友自己罵戰!嗰個左膠社運人士話,班本土成日話佢哋廢,「到佢哋自己掛頭牌搞行動,就仲廢過我哋呢班廢嘅!好心佢哋自己檢討吓喇!」

花生友

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載