› 選擇地區
三藩市
紐約
洛杉磯
其他美國地區
香港 台灣 北美
 
2015年05月31日

上月遭冷氣機組件重擊頭部失憶
女童開腦留兩條9吋疤

【本報訊】「嘉嘉左邊頭頂傷處得番一層皮,如果撞到硬物會好危險,佢𠵱家成日話頭痛,仲唔記得嘢,好擔心有後遺症!」上月底,6歲讀小一的嘉嘉,在中環遭高空墮下冷氣機組件碎片重擊後腦命危,接受開腦手術保住性命,但換來頭部留下兩條大疤痕及失憶。事隔一個月,嘉嘉父母希望女兒早日康復,亦考慮追究責任,為女兒討回公道。
記者:金敏琍 周子惇

相關新聞:或須移植人工頭骨

就讀小一的嘉嘉姓梁,兩星期前出院回家休養,一家人嚴陣以待,媽媽十分緊張,「佢鍾意落街玩滑梯,𠵱家唔畀,一次都唔畀」。任職地盤工的爸爸亦已停工,全日留在家中照顧女兒,令經濟陷入困境。為嘉嘉安全,生活習慣亦改變,「以前佢同哥哥細佬一齊瞓,𠵱家要保護佢個頭,變咗同我瞓,唔畀亂郁,避免撞到個頭」。

「幾時可以返學」

意外後,嘉嘉剃光頭髮接受開腦手術,現時刮得清光的頭部左右兩邊留下兩條9吋長疤痕,如同兩條大蜈蚣伏在頭頂,媽媽說嘉嘉左頭頂因有兩吋長頭骨撞碎需要施手術取出碎骨,該傷處縫合後,現時沒有頭骨,僅由頭皮保護,「𠵱家左邊頭頂凹咗落去,冇骨,用眼望會見到個腦好似心臟咁喺度跳」。媽媽說「醫生話頭骨可能生得番,但唔會好似以前一樣,可能只生番少少」。若頭骨無法重生,便要植入人工頭骨。
嘉嘉活潑好動,但看到自己冇頭髮,小女孩一臉疑惑「媽咪,點解我個頭光晒?幾時至生番頭髮?」早前老師曾帶圖書探訪,她見到老師十分雀躍,追問「幾時可以返學?」現時她每日要服防抽筋藥,定期覆診。除了頭部傷處小心照料,嘉嘉亦出現失憶徵狀,令媽媽憂心,「佢指住電腦問我乜嚟?明明以前知,𠵱家叫唔出。要我攞嘢,指住叫我攞嗰個,就係講唔出個名,記憶好似洗咗咁」。她直言女兒腦部受重創,怕影響腦部發育,擔心失憶不會改善,影響一生,指事故涉疏忽會追究責任。
嘉嘉上月30日參加學校旅行,參觀中環動植物公園,中午離去時,在花園道科達中心外等候旅遊巴,當時有工人吊運冷氣機組件上天台,但繩纜突然折斷,致半噸重組件墮地,碎片擊中嘉嘉及兩同學,嘉嘉後腦遭碎片重擊昏迷垂危,全身染血。

爸爸停工照顧

嘉嘉送院後證實腦部重創積聚瘀血,要接受開腦手術減腦壓,及後出現失憶徵狀,現時嘉嘉由爸爸24小時貼身照顧,原本操持家務的媽媽則改為照料兩子,一次意外令一家五口生活驟變,嘉嘉媽媽形容丈夫「根本唔敢開工,小朋友冇可能坐足一日,一定周圍郁,佢嗰度冇骨頭得層皮好危險,驚佢撞親,醫生話再撞親會有生命危險」。
「蘋果日報慈善基金」早前已從S0002「緊急援助金專戶」撥款兩萬元予嘉嘉家人作應急用,及後再派員慰問及了解嘉嘉的現況後,並從其善款送上15,000元助她一家應付生活開支。
「嘉嘉」捐款編號:C3917
網上捐款: http://bit.ly/1nQRthE

網上捐款 捐款記錄
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載