› 選擇地區
三藩市
紐約
洛杉磯
其他美國地區
香港 台灣 北美
 
2015年05月26日

《月入三萬》
導演:賺錢買樓供樓完了

【本報訊】月入三萬,全港有幾多打工仔做得到呢?月初在網上流傳一條短片《月入三萬的香港人》,就說出三萬月薪,要在香港結婚、買樓也未必足夠。短片由This DV製作,導演Davis指「其實我哋想拍啲香港人有共鳴嘅短片」,沒想到一放到YouTube,一星期就有30多萬點擊率。

「生活只係為咗賺錢,買樓然後供樓,成世就係咁。」Davis畢業後工作數年,與志同道合的朋友組成This DV,工餘時就找題材拍短片。眼見身邊的朋友都有計劃買樓結婚,但言語間透露出,在香港買樓很難,好像怎樣儲錢也買不到一樣。這時,他就想起網絡潮文《21世紀,月薪三萬元的港人》。「我哋當時都揀咗幾篇潮文,成員就再投票。」一投票,就決定把《月入三萬》拍出來。

Davis覺得最深刻的一幕,是老闆在辦公室大罵男主角。「好多行業都係睇錢做人,冇數就係廢青,好簡單」,老闆不停的罵做銷售經理的男主角「廢青」,要男主角去「追數」,男主角只能頭耷耷的聽,讓老闆罵夠才繼續工作。Davis覺得現實生活中,香港大部份打工仔也是這樣被「捽」,生活壓力十分大。

最終他們幾名20多30歲的年輕人,花了半年的工餘時間,借場地、道具、寶馬等等,終於把製成品上載至YouTube,亦引起不少人的討論。「我覺得有好多地方可以拍得更好,其實最主要係大家有共鳴先咁多人睇,亦都揭露咗原來有40幾萬香港人都有共鳴,咁多人都生活得辛苦,呢點有啲唔開心。」所以Davis已經決定,下一次拍的短片,題材要開心一點,多給香港一些正能量。

記者︰孫夢絲 張定明

相關新聞:《月入三萬》作家:香港無進步過

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載