› 選擇地區
三藩市
紐約
洛杉磯
其他美國地區
香港 台灣 北美
 
2015年05月25日

隔牆有耳:唐英年講政改嚇親卿姐 - 李八方

卿姐想叫唐唐去網台節目解畫,不過唐唐話唔喺香港。資料圖片

全國人大常委會法工委副主任張榮順早前話,政改方案冇修改空間,亦唔可以簡單將公司票轉化為個人票,點知全國政協常委、前政務司司長唐英年隨即高調撐提委會公司票轉董事票,仲話張榮順唔完全代表人大常委會。
民主黨主席劉慧卿噚日係《城市論壇》話,佢都俾唐唐嘅言論嚇一跳,唔通共產黨入面都有唔同意見?唐唐咁講係想帶啲訊息出嚟?
卿姐話聽到唐唐咁講,即時WhatsApp叫佢上自己個網台節目解畫,不過對方話唔喺香港喎。
卿姐同時係《城市論壇》講明,即使公司票轉董事票、團體票以至個人票,民主黨都係唔會收貨,因為民主黨係爭取緊一個冇不合理篩選嘅普選制度。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載