› 選擇地區
三藩市
紐約
洛杉磯
其他美國地區
香港 台灣 北美
 
2015年05月25日

隔牆有耳:踩單車反袋住先
梁家傑係牙煙車神 - 李八方

每個星期日,泛民主派都有新搞作,以唔同形式落區宣傳「向假普選說不、反對袋住先、要求真普選」嘅訴求同解釋背後嘅理據。噚日一眾泛民議員變身車手,以單車遊行方式落區,不過八方見到佢哋手車,就覺得有啲牙煙!
佢哋噚日喺樂富地鐵站集合,分幾段路到黃大仙、九龍灣、牛頭角等地,有近廿個車手整裝出發,議員方面未見派出女將,清一色男議員,包括胡志偉、李國麟、梁耀忠、范國威、李卓人、郭家麒、梁家傑等,佢哋起步時衝過一張寫上8.31框架嘅橫額,寓意衝破8.31框架。

自稱未夠班踩出馬路

八方現場所見,有議員確係有姿勢有實際,但唔少人一起步已經舞龍咁款,例如泛民飯盒會召集人梁家傑,佢夾埋踩咗1分鐘左右,仲要一路行一路左擰右擰個車頭保持平衡。傑哥同八方講唔好誤會,佢真係識踩單車嘅,只係要踩出馬路就仲未夠班,所以佢最後都係做打氣隊,到各街站為大家打打氣,而李卓人同梁耀忠開步儀式之後,都有事要閃人。
真係有實際嘅當然要數民主黨胡志偉,佢本身係單車發燒友,平時出入都踩單車,噚日一馬當先踩出馬路,搞到尾隨嘅人要開咪叫停佢,就番大家嘅速度。至於平時斯斯文文嘅衞生服務界代表李國麟,原來都係好踩得,不過佢話已經係30年前嘅事,後生時會喺灣仔摩理臣山租車,一路踩去銅鑼灣再入筲箕灣。
mailto:pf_lee@appledaily.com
李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載