› 選擇地區
三藩市
紐約
洛杉磯
其他美國地區
香港 台灣 北美
 
2015年05月23日

隔牆有耳:
指儲3,000元上車謬誤多 
女神碧樺依 狂數離地煒論 - 李八方

出任青年事務委員會主席嘅華置主席劉鳴煒MW,叫青年月儲3,000蚊等機會上車,被網民狠批離地。社福界巴港混血女神、中大社會工作學系助理教授碧樺依Raees都忍唔住噚日喺《am730》撰文,批離地「煒」論至少三個謬誤,點醒MW返回地面了解實況。
Raees話呀,首先以當今樓價,就算數口唔精都知道冇可能儲到首期,MW冇分析樓市問題、不提官商勾結等,只將責任推畀年輕人。第二,MW叫年輕人「睇少場戲,去少次日本」,儲吓錢,係將年輕人定型為只識行街睇戲、吃喝玩樂,漠視百物騰貴;第三,佢認定收入低就唔好期望能過有質素生活,應份捱苦,似乎唔明智能電話、電腦已係生活同工作必需品。

促熟讀《青年約章》

Raees繼而指政府多年前訂立《青年約章》,列出青年基本權利,包括不應受到社會階級歧視,經濟剝削,但呢份約章冇擺喺青年事務委員會網頁,喺民政事務局網站先搵到,「劉主席,當你發表偉論前,還是先熟讀《青年約章》和了解民情,否則下次不單離地受質疑,可能主席一職也難保」。
八方問過Raees,佢話撰文係希望MW知道社會迴響,「如果佢realize,值得畀佢試吓(續任主席);但如果唔realize,大家要三思成個委員會做緊乜嘢」。佢又話MW講樓價易惹人不滿,「佢本身係大地產商,自然會帶出問題出嚟」。至於Raees則至今冇樓在手,佢講番初出茅廬喺社福機構打工,月薪得10K,做咗5、6年先至有15K,所以咪以為賺15K好易。佢話都有儲錢,但目標唔係買樓,而係應付父母不時之需。

李八方
mailto:pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載