蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年05月20日
馬上成為壹會員

西環集中營:張榮順救泛民一命 - 季陶

人大常委會法工委副主任張榮順昨稱,將提委會的公司票改成個人票是不能接受。資料圖片

最近不同溫和泛民人士都提出政改改良方案,但人大常委會法工委副主任張榮順昨於深圳出席政改座談會,已將提名委員會的公司票改成個人票建議「打殘」。有泛民中人稱,原本所謂公司票改成個人票,只屬可以討論的起點,現在張一棍打死,對泛民來說無太多損失,反而可強化「北京冇誠意落實政改」的觀感,令更多中間市民死心,改為反對政改方案。

令中間市民死心

該泛民中人稱,參考坊間民調,將公司票改成個人票獲中間市民認同,泛民不可能一口拒絕,「雖然公司票轉個人票,仲有好多細節未明,好似個人票,係講緊董事定係一般市民可以投票?有幾多席提委由個人票產生?呢啲要傾清楚」。但既然有一定民意支持,泛民總不能「諗都唔諗、傾都唔傾」,所以擺出願意討論態度。
張榮順指提委會的公司票改成個人票,等同改變提委會性質,不能接受,對認為有關建議「啃唔落」,但又不能立即反對、企硬不討論的泛民來說,等同「救佢哋一命」,因若相信民調指,有關建議可提升政改方案民意支持度,「會為撐政改增加籌碼、為反政改添加壓力」,現在張卻否定建議,「令中間市民更睇清楚,北京冇誠意落實政改,令佢哋對支持政改、北京日後會改善死咗條心,令支持政改民意再跌,亦幫泛民拆咗個炸彈,唔使俾人成日追住問支唔支持公司票改個人票」。
季陶
周一至周五刊出

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載