蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年05月13日

隔牆有耳:周融搶先《壹週刊》出版前自爆:
李家誠係HKG報金主 - 李八方

周融搞網媒「HKG報」,一直話係自資幾十萬元搞,但噚日《星島日報》刊出佢嘅訪問,佢卻自爆「HKG報」間公司原來係四叔李兆基個仔李家誠、幾年前以百萬計嘅錢成立;到佢要搞「HKG報」先將啲股份讓畀佢,變相踢爆李公子就係佢嘅隱形金主。
八方噚日喺一個研討會見到周融,自然問到佢同李公子嘅關係。周融話3、4年前邵盧善啱啱返咗香港,大家想搞政策研究,周融出少少錢,但都要搵人支持,於是搵咗一直相識嘅李家誠,對方聽完就拎咗百萬計嘅錢出嚟開公司,佔呢間政策研究公司七成股份,另外三成由邵所有,周融只佔好少。
直到舊年佔中,周融同邵都認為形勢變晒,覺得做政策研究作用唔大,做網媒可能更好,佢再同李家誠傾,引述李公子話好支持,「但佢都唔想去做傳媒」,對方於是提出如果佢真係想做,可將公司股份轉讓。
周融話買咗呢間公司,但死都唔肯講李公子以幾多錢讓出股份。原來周融係知道即將出版嘅《壹週刊》會踢爆佢同李公子嘅親密關係,先行自爆。

小學雞英文信投訴fb

周融噚日同時發公開信畀facebook創辦人朱克伯格,投訴「HKG報」嘅facebook專頁有4篇文被刪,佢又自稱係「一名小小facebook用戶」,又引用有人質疑fb「有既定的政治立場」,話希望唔係咁,聲稱唔求fb道歉,只望朱克伯格畀個回音佢。
其後周融將封信譯做英文,但封信第一句"You don't know me. My name is Robert Yung CHOW, a very small Facebook user from Hong Kong",被網民笑佢似小學生英文,仲話做過《英文虎報》?

李八方
mailto:pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載