› 選擇地區
三藩市
紐約
洛杉磯
其他美國地區
香港 台灣 北美
 
2015年05月12日

西環集中營︰
政改難再急轉彎 - 季陶

政府中人指,「北京根本對政改打定輸數」。

政改方案最快6月底表決,雖則各界仍視政改有柳暗花明之處,但私下仍是打定輸數的佔多,尤其當有些人提出2010年政改一役,還不是在最後關頭急轉彎嗎?政府一定反駁,今時不同往日。
季陶綜合政府今次政改拉票之難,不外乎幾大因素,而主因肯定是北京換了領導層。無論是政府中央抑或建制派也好,無不提醒外界,今次主責政改的國家領導已由胡錦濤換上習近平,有建制中人指,「你睇習近平吓吓硬橋硬馬同其他國家砌,咁佢又點會為咗區區一個香港特區示弱讓步?人大一落就落三閘,就知呢個中央唔會隨意轉」。
這邊廂的阿爺換上新面孔,這邊廂的泛民呢?有政府中人指,2012年立法會選舉後,民主黨議席大減,激進泛民冒起,影響不可謂不大,「民主黨一朝被蛇咬,唔敢跳出comfort zone,黨內激進派又冒起,好難好似上次咁傾;泛民冇咗龍頭大哥,公民黨一個黨有六種立場,拉到一個都未必拉到其他五個啦。」
而今次政改一開始,泛民已經聯署表態否決8.31下政改方案,在此緊箍咒下,泛民寸步難行,有政府中人曾私下表示:「今次最唔同之處,係佢哋從來冇擺過任何嘢上枱(交換),一嚟就話唔要8.31,真係好難去拉票」,何況該政府中人指,「北京根本對政改打定輸數」。

季陶
周一至周五刊出

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載