蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年05月07日
馬上成為壹會員

政壹花生友:
辭職公投 仁哥未擺平新西 - 花生友

何俊仁

自從學民思潮同學聯表明唔會參加推動辭職公投嘅組織核心後,江湖傳聞話呀,何俊仁本周六再開一次五方平台會議後,就會宣佈公投計劃正式「玩完」,最主要原因係因為雙學拒絕瞓身參與。花生友聽聞,有泛民政黨成員其實一直反對公投,唔希望因此為民主黨抬轎,以免喺補選同區議會選舉入面為民主黨造勢。
除咗黨外都有聲音反對,其實民主黨內至今亦對公投有分歧,據聞仁哥至今仲未擺平,因要進行公投而要犧牲5個議辦同遣散員工嘅該黨新界西支部,部份身兼公職同資深黨員亦對公投有保留。

憂打擊區選

但最令民主黨人煩惱嘅,其實係仁哥極可能再戰11月區選,並與空降嘅律師會前會長何君堯決一死戰。若然仁哥宣佈辭去立法會議員,引發公投後不久,又再宣佈參加區議會選舉,除咗核心支持者會明白仁哥苦衷,到底一般市民會唔會明呢?有黨內人士擔心事件會成為保皇派打擊選情嘅武器。
雖然黨內外均對公投吹淡風,但仁哥接受花生友查詢時,就話至今未就是否取消公投一事定下時間表,只坦言雙學不參與對計劃有影響,社會氣氛亦出現改變,至今未見對公投有熱烈討論,連原來推動公投嘅青年,亦未見對參與公投表現出好大興趣,所以佢會再同黨內熱心推動公投年輕人,以及早前表態支持公投嘅團體商討後,再作最後決定。
花生友

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載