› 選擇地區
三藩市
紐約
洛杉磯
其他美國地區
香港 台灣 北美
 
2015年05月04日

鳩嗚乜乜乜:
凶宅是基督徒之選?

最近出現咗一個好特別嘅放盤,講明喺「基督徒之選」。互聯網

13萬人瘋狂入表搶購新居屋、為咗有瓦遮頭連廁所劏房都搶住租,甚至連荃灣一個400幾萬嘅單位,地產經紀都可以叫做「窮人恩物」,就知香港樓價有幾癲!近日再有地產經理出招,新港城一個實用面積338平方呎嘅單位,賣成420萬,但地產代理喺銷售單張大大隻字話「筍」,仲有一句說話好特別,講明係「基督徒之選」。
費清呢啲買唔起樓嘅蟻民,見到有人話420萬都叫筍,好自卑。不過點解層樓係基督徒之選?唔通業主係虔誠基督徒,教友買樓有折扣?
費清梗係拿拿臨問吓個地產經紀,地產經紀就話個單位係新港城G座一個中層兩房單位,租客啱啱搬走,仲好坦白話係凶宅,因為之前有租客喺呢嗰單位跳樓身亡。聽到呢度,大家明晒啦!
費清仲聽聞,業主唔想將單位出租,想快啲甩手,所以平市價少少放售喎!
不過,睇番同屋苑樓價,實用面積平均呎價要12,741蚊,呢個凶宅單位呎價都要12,426蚊,真係好平囉。若要上車,大家可以考慮吓,老土啲講句「平生不作虧心事,半夜敲門也不驚」,人不犯我,我不犯人,就鬼都唔怕啦!

費清
#要生計,也要生活
#毋忘初衷

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載