蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年04月16日

善用信用卡迎新優惠儲里數

【達人教路】
邊消費邊儲分,是獲得飛行里數的精髓。有飛行里數達人教路,要儲得多儲得快,必先要善用信用卡迎新優惠贈送的里數,平日簽賬要集中幾張「主力卡」,確認信用卡積分兌換比例及使用期限;又提醒將登機證放上網「呃Like」前要遮蓋里數戶口號碼,以免外洩招致損失。
Fly For Miles博客小斯精通飛行里數計算方法,經常於網上撰文教人儲分。他表示,最快獲得大量里數方法是信用卡的迎新優惠,「只要你消費夠,即刻送幾千分畀你」,最適宜在新居入伙等有大筆支出時候使用,「拎完就Cut咗佢,等一年後又可以再申請」,同時間可以申請多張。
平日消費時,小斯建議選定幾張卡作為「主力卡」,「最好就係積分換里數唔收手續費,睇清楚積分有效期同埋兌換比例,唔用住就拖住先,最後先轉做里數」。他指飛行里數有使用限期,盡量延長方可最大優惠。

相關新聞:LG手機電池耐用 Nokia較差

360日前訂票換領

至於里數兌換方面,小斯指首選一定是換機票,否則首選各商店的現金券,「換其他禮物一定唔抵,要換嘅點解唔用信用卡分換,仲唔使俾佢(飛行里數公司)食差價」。換免費機票有限額,最好是在360日前最早訂票日換領,「好似搶iPhone咁,遲咗就冇」。
近日發生多宗盜取飛行里數案件,小斯指由於換領系統較簡陋,只需姓名、電話號碼、賬戶號碼及電郵即可兌換,「下次將Boarding Pass或者機票放上網同朋友Share前,記得遮晒個人資料,特別係個里數戶口number」。
■記者佘錦洪

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載