› 選擇地區
三藩市
紐約
洛杉磯
其他美國地區
香港 台灣 北美
 
2015年03月31日

隔牆有耳:
張炳良宴請白鴿補飛 - 李八方

張炳良噚晚做東宴請白鴿,入場時堅稱「食餐飯箒」。

盛傳梁振英下令禁止各司局長出席上月底嘅民主黨黨慶,連白鴿黨前副主席、現任運輸及房屋局局長張炳良都「身不由己」,突然要去視察港珠澳大橋為由被迫缺席。
張炳良噚晚做東,拉埋副局長邱誠武同白鴿黨高層食晚飯擺「和頭酒」,但張良入場時堅稱「食餐飯啫」,唔係要彌補唔去黨慶,堅稱不時同唔同政黨議員溝通、食飯。
出席晚宴嘅白鴿黨中人包括主席劉慧卿、副主席羅健熙及一班立法會議員。卿姐話餐飯話題離不開機場第三條跑道同埋要求港鐵減價,佢仲表明唔介意張良當日缺席黨慶,好尊重每個獲邀者嘅選擇。咁食過呢餐飯,係咪代表運房局日後唔會遭白鴿黨喺立法會刁難?卿姐話佢哋個黨對事不對人,唔會支持市民反對嘅政策,要傾嘅繼續傾。據悉席間,白鴿黨問政府可唔可以就三跑向立法會提出決議案,畀立法會監察下,但張炳良冇乜具體回應。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載