› 選擇地區
三藩市
紐約
洛杉磯
其他美國地區
香港 台灣 北美
 
2015年03月24日

雨傘運動令星洲才俊醒覺
「慣咗唔出聲好危險」

【本報訊】李光耀預言香港無真普選,但港人在雨傘運動昭示出來的不認命與自救精神,仍得到新加坡金融才俊欣賞。居港新加坡人沈文才(Eric Sim)說,相對港人,新加坡人更習慣依賴政府,他希望在港成長的子女可學到港人的自強,「我一路成長都係好聽話,如果一直留喺新加坡教小朋友,好可能都係咁。希望小朋友學習香港人,會主動掌握自己命運」。
Eric居港四年,現於金融公司任高層,十分為其新加坡人身份自豪,也很尊敬李光耀。出身基層的他,父母在新加坡到處可見的熟食中心經營小吃攤檔,小時候一家五口居於組屋。他說,香港最令他amazing(驚訝)之處,是無處不在的自由市場,如「紅van」路線及收費皆自由,毋須政府介入,卻運作完善、順暢,「新加坡係樣樣嘢都有政府參與,我來香港之前,冇諗過有啲嘢就算政府唔介入,都可以行得咁好」。但他也認為,並非所有事務都應以自由市場形式運作。以照顧普羅大眾來說,新加坡政府做得比港府好,前者在多方面的硬性規定,雖限制了自由市場的運作,卻讓基層有向上流動的可能。

相關新聞:奧巴馬:真正歷史巨人

遇問題多求諸政府

不過,Eric亦看到,星洲國民遇上問題,求諸政府多,自行解決少,很難想像可如港人般挺身而出造就一場雨傘運動,「我好欣賞佢哋(傘運者),有意見就努力爭取,唔會等政府安排。新加坡前五十年好幸運,有個好好嘅政府,但難保將來有機會出現冇咁好嘅,如果新加坡人習慣咗唔出聲,係好危險」。
長遠而言,Eric有意回新加坡從事教育工作,或加入政府,以自己在外吸收到的各家所長,回饋教他最自豪的故鄉。
■記者朱雋穎

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載