› 選擇地區
三藩市
紐約
洛杉磯
其他美國地區
香港 台灣 北美
 
2015年03月20日

隔牆有耳:
嫻姐公開訓示吳秋北 - 李八方

標準工時委員會前日開會,決定研究規定僱主及僱員喺簽合約時必須寫明工時,結果勞工界即炮轟變相將超時工作合法化,但最大鑊係身為個會入面嘅勞方代表、工聯會理事長吳秋北,出嚟回應時竟然話僱主對標時立法有強烈顧慮,反叫勞工界要有耐性慢慢說服資方,唔講仲以為佢係資方說客,事後有聽眾仲打上電台質疑工聯會出賣工人㖭。
八方聽聞工聯會有人聽到佢咁講,都激到紮紮跳,該會榮譽會長陳婉嫻噚日接受電台訪問,就公開「訓示」吳秋北,話佢唔夠經驗應對,若果由佢出馬開會就唔會接受呢個建議,因為建議根本係「呃人」,將合約工時取代標準工時,仲話吳秋北應該提出,先徵詢勞工界意見,嫻姐仲話明要向吳了解吓發生乜事。吳秋北見嫻姐咁講,立即「受教」補飛,話呢個唔係委員會最終建議,又話好認同嫻姐講法咁話。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載