› 選擇地區
三藩市
紐約
洛杉磯
其他美國地區
香港 台灣 北美
 
2015年03月18日

鳩嗚乜乜乜:燒烤炭放衣櫃吸濕

呢幾日天陰陰,堆填區才子阿貴竟然去買炭。燒嘢食唔怕落雨咩?佢話燒烤炭(圖)係用嚟放喺衣櫃吸濕,「既環保又快捷」。
水份會自然由高濕度地方流向低濕度,而經過高溫烘乾嘅炭好乾燥,會吸引空氣中嘅水份,而炭內有好多極細窿罅留住水份。

#絲襪裝起不怕污糟

燒烤炭都得?理工大學機械工程學系工程師盧覺強話係,基本上所有炭都有一定吸濕功效,但當然唔同材料燒成嘅炭,吸濕程度會有唔同。
坊間所謂嘅備長炭,係指用一千至一千二百度高溫燒製嘅炭,最出名係日本和歌山櫸木燒製,因為櫸木纖維密度高,有更多窿罅留住水份,但近年世界好多地方都禁止砍伐櫸木做炭。𠵱家嘅備長炭,多數係來自中國嘅柚木、雜木,吸濕程度差啲。
消委會都做過吸濕用品嘅測試,認為氯化鈣Calcium chloride吸濕劑效果最好,炭相對較弱。但炭就環保,隔兩三個月,將它放喺陽光下晒幾個鐘,就可以再用。
燒烤炭咁污糟點放衣櫃?阿貴話用絲襪裝起。絲襪?咁重口味?(利申,費清唔覺變裝皇后有咩問題,但阿貴太多鬚根啫。)

費清 #要生計,也要生活 #毋忘初衷

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載