蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年02月18日

經理人黎嘉恩:王征或想一拍兩散
亞視清盤仲好

【本報訊】今日是年三十,不少人準備「收爐」,獲委任為亞視經理人的德勤中國華南區主管合夥人黎嘉恩卻仍在為亞視物色買家而努力,他認為亞視還有其投資價值,但直言王征這位非正常的亞視債權人可能想來個「一拍兩散」,認同將亞視清盤再重組,可能是更好的處理方法。
記者:石永樂 吳永強

相關新聞:副總裁介紹「財仔」借錢給員工

處理過不少清盤個案的黎嘉恩表示,今次亞視個案雖然不是最難,但「若十分係最難,也有八分難度」。面對王征不滿準買家的出價導致交易無進展,黎嘉恩指他擔任的經理人角色在權力上有很大限制,不是所有事情都在他控制範圍內,當中包括價錢,「每個人要求嘅價錢不同……賣家有自己睇法,唔係我控制得到」。

稱亞視商譽仍有價值

多次強調權力有限的黎嘉恩認同索性將亞視清盤好過,「我覺得係㗎,which is true,但我唔覺得佢(王征)會畀亞視清盤,清盤佢仲更加乜嘢都冇」。由於王征不是香港居民,因此透過親戚黃炳均代持亞視逾五成股份,但實際出資的卻是王征。
亞視雖然債台高築,但在黎嘉恩眼中卻是另一回事,他一語道破亞視街外的債務其實不多,「根本係意氣(之爭),你睇得出,佢哋(亞視兩大投資者王征與蔡衍明)冇錢咩?」黎嘉恩形容今次亞視的情況非一般重組,「人係有個意氣,如果佢唔係等住啲錢開飯的話,有啲人係會唔介意同你一拍兩散……正常嘅債權人係唔會咁做,但唔代表一定唔會發生」。
他又認為王征對亞視有情意結,「佢唔係正常普通嘅債權人,唔想監平監賤賣,情意結係對銀紙嘅情意結」。不過,黎嘉恩稱王征始終無透露其心目中的底價。
當大家都以為亞視是「負資產」時,自言很久沒收看電視的黎嘉恩反透露有很多人有興趣買亞視,因為仍有投資價值,「商譽啦,亞視係有俾人鬧嘅地方,但好似賽馬、六合彩基本上冇人替代,唔可以話做得特別好,但唔係話完全冇人睇」。

相關新聞:「德勤南天王」對下屬要求高

讚被拖糧員工有義氣

對於亞視拖糧多月,仍有不少員工願當「義工」,連黎嘉恩亦覺得亞視的員工有義氣,「(員工)算係咁,士氣好好,好支持(公司)」,但他披露王征與蔡衍明現時幾乎零溝通,「佢哋𠵱家好少對話,唔多拗撬」,他呼籲雙方不要對人不對事,「唔好為啖氣,要為件事好,否則冇意思,不如早啲執咗佢」。
黎嘉恩早前透露曾接觸有興趣的投資者,但最終只有三家財團入標,他昨日仍無透露買家身份及洽商進度,問及過去市場不斷傳出有關亞視的消息如一人一股救亞視、有神秘公司稱可出售亞視新股,其中有指科技公司ECrent與王征已簽訂協議,更有人向傳媒廣發簽約照片,黎嘉恩直言亞視有向他提過一人一股救亞視的方案,「呢個係好事,如果成功的話,可以證明好多人支持亞視,但一定要合法」。那傳聞已跟王征簽約的ECrent呢,「好多嘢我都唔信,我未同意嘅嘢即係未實……可能佢簽咗,但我未同意」。再問他有否與ECrent接觸過,黎嘉恩的回應是「唔講得」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載