› 選擇地區
三藩市
紐約
洛杉磯
其他美國地區
香港 台灣 北美
 
2015年02月17日

死者家屬不滿判刑過輕

死者家屬不滿兩名被告的判刑過輕;圖為事故後海泰號船頭損毀嚴重。資料圖片

【要求上訴】
胞兄及姪女均在海難中去世的徐志盛,不滿判刑過輕,「三十九條人命,佢仲求情」,難以起阻嚇作用,將要求律政司就判刑提出上訴。他又認為事故起因為船隻欠缺水密門,應當追究負責的海事處人員,包括已退休的前處長廖漢波,「我哋係納稅人,𠵱家好似畀錢養兇手」。

相關新聞:兩人求情稱有創傷後遺

促起訴海事處前處長

徐志盛昨日受訪時直指兩人判監八年及九個月太短,「扣埋假期唔會耐」,又認為兩名船長無悔意,「你係有良心,應該一早認罪」,指兩人對自己的行為心知肚明,「主動撞人唔可以原諒,俾人撞嘅又係咪咁無辜呢?」
他亦不滿求情內容,「如果冇發生事,你咪唔會有壓力,唔會有抑鬱。你按慣例揸船,咪冇事囉」。他否認「追住人唔放」,更質問:「你話你抑鬱,我哋三十幾個家庭有邊個唔抑鬱?」
徐認為律政司必須起訴海事處涉事官員,包括已退休的海事處前處長廖漢波,「佢用緊死者嘅稅金去享受退休生活」。徐希望政府盡快交代:「如果小市民連政府都唔可以信,可以信邊個?」
兒子在海難中去世的古太亦指,廖漢波要對海難負上相當大的責任,又謂直至海事處被追究責任,她才可展開人生新一頁。
徐又指港燈已盡力提供協助,不求港燈道歉,「公司層面嚟講,佢哋都唔想,只係請錯船長,信錯海事處,都係無辜」,但不滿港九小輪事發至今連一句慰問也沒有,「電話都冇,出殯嗰日連花牌都冇一個」。港九小輪發言人稱,事故後曾嘗試取得死者家屬聯絡方法,但遭當局及有關機構以私隱為由拒絕。
■記者楊家樂

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載