› 選擇地區
三藩市
紐約
洛杉磯
其他美國地區
香港 台灣 北美
 
2015年02月15日

情人節一人餐堅有人食
老闆:唔駛自卑

情人節晚上,街裡愛人一對對,「閃光彈」真係射傷小記及眾多單身人士的心,不過,《蘋果》報道過一間深水埗餐廳,他們推出的「情人節一人套餐」,又可否為大家療療傷呢?
記者:黃文浩 余睿菁

今晚,記者再次去到該餐廳,直到晚上七時半,餐廳入座率達九成,當中有3人享用一人套餐,職員稱比預期少,「係有人預訂,但佢哋可能爽約。」不過,昏暗的環境,配上心心掛飾及擺設,每張餐桌都加上粉紅色蠟燭,也證明了浪漫,並非情侶的專利。

梁先生(四十歲)於Facebook看到一人套餐的餐牌,覺得菜式吸引,加上朋友介紹,故來嘗試,覺得味道「都OK啦!」他坦言單身生活多姿多彩,不會感到寂寞,也沒有特別期望餐廳安排單身女士與他共享晚餐,「愛情呢啲野順其自然啦!」

除了單身客,一人餐亦吸引到戀愛中的曾先生(三十六歲),他表示已與女友拍拖兩年,但因雙方工作繁忙,無法正日慶祝情人節,「趁有少少時間,見到網上咁hit,所以嚟試下。」

老闆廖先生在朋友的生日派對中,發現不少單身人士,故開始於餐廳內舉行單身派對,去年起更於情人節推出「情人節一人套餐」,「想證明單身唔駛自卑,唔好咁寂寞」。

該餐廳經理Man Cheng表示所有享用一人套餐的女士皆會贈送毛巾花一支。他笑言報道刊登後,有人致電問餐廳是否婚姻介紹所,「可能以為我哋係媒人」!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載