› 選擇地區
三藩市
紐約
洛杉磯
其他美國地區
香港 台灣 北美
 
2015年02月15日

石永泰籲港人企硬「反大」護法治

【本報訊】大律師公會前主席石永泰再開腔質疑港府常常把「依法」掛在口邊,「係咪你好有信心個法律一定係歸你邊嘅呢?係咪有咁樣呢個潛台詞呢?」又指絕不同意香港青年不尊重法治之說,更表明「如果有人用法律嚟到大我哋,講得唔好聽啲,我哋就要所謂企硬」。
石永泰上月中於法律年度開啟典禮辭時表示,港府官員發言時常強調「守法」、「依法」,聽來似是對法治必恭必敬,但質疑這種說或適得其反。
他接受有線電視訪問時稱,對其言論引起迴響感詫異,「可能係咪因為呢個年代講『阿媽係女人』比較困難」,又重申港英年代的港府不會經常提到「依法」。

「呢個『法』佢講晒」

石認同在一國兩制下,有些法律交接點香港法院管不到,但他以涉及普選特首的《基本法》第45條為例,指即使政改五步曲中有部份由中央決定,可是「係咪咁所以就係當權嘅人就可以滿有信心地:『嗱,依法呀、依法呀』。因為點解呢,因為佢知呢個『法』佢講晒吖嘛」。
對於人大釋法、政改一類問題,內地專家說法予人較權威的情況,石表明「所以我哋要『反大』佢囉,唔係『玩大』佢咁解。所以如果有人用法律嚟到大我哋,講得唔好聽啲,我哋就要所謂企硬」,並解釋「你們眼中唔違反法律就是法治呢種概念,不是我們恆久以嚟所認知嘅法治概念。咁邊個大啲呢?我覺得我哋大啲,點解呢?香港嘅法治係行之已久係有效嘅」。

不能醜化運動訴求

提到佔中,石指事件最終以和平理性的手法告終,「所以我係唔贊成有人講話香港嘅年青人不尊重法治,所以就有違法佔中嘅問題出現。我唔同意,一點兒也不同意」,強調不能因佔領運動違法而醜化運動背後所爭取的訴求。
身兼城大法律院副教授的經民聯梁美芬認為,其實過去數十年法治、守法等觀念已潛移默化了港人,可是佔中採用的非法手段,令這個觀念受損,尤其有青年人「側埋一邊」,甚至仇視法律。
梁美芬覺得石永泰的言論「有少少抗拒(依法)」,希望「大家嘅前提係唔應該攻擊依法,因為呢個法治社會嘅第一步,否則好危險」,內地與香港法制不同,冀雙方可以從解釋法律的層面討論,尋找共識。
■記者呂浩然

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載