› 選擇地區
三藩市
紐約
洛杉磯
其他美國地區
香港 台灣 北美
 
2015年02月03日

政壹花生友:
中央一吹雞 阿董密密做 - 花生友

董建華

全國政協副主席、前任特首董建華舉動頻頻,搞完團結香港基金,又開記者會評論施政報告,雖然阿董點都唔肯直接回應係咪中央叫佢出嚟,但有熟悉董建華、經常同佢聯絡嘅建制派人士同花生友百分百肯定,阿董出得嚟,一定係中央指示,希望阿董起到預期嘅效果。
阿董予人感覺係老好人,國家領導人叫佢做乜嘢,佢都會盡量答應,否則唔會位居如此高職。阿董嘅親信同花生友講,如果唔係中央叫到,阿董唔會搞嗰個基金、更加唔會開記者會,畀大家睇到佢手都震埋,唔通真係貪過癮咩?阿董之所以無端端出嚟大讚施政報告,佢斷定係中央想透過阿董嘗試平復反梁嘅情緒。

建制派憂被當梁營

「你話得唔得呀?」呢位親信竟然反問花生友,阿董出嚟對社會厭倦梁振英嘅氣氛,有冇緩和作用?花生友當然答冇啦。親信笑說:「咁咪係囉!」
呢種情況只可以反映,建制派表面上同梁振英關係平平,唔會公開倒梁,但骨子裏,唔少人有不滿,希望佢咪連任,只不過呢啲反梁說話,斷不能公開發表,食花生講吓就無妨,唔通想有自由黨田北俊嘅慘淡下場?
有建制派都擔心,梁振英繼續做落去,年尾區議會選舉,隨時因為自己嘅陣營被當梁營而遭拖累。但建制派都肯肯定中央暫時唔換人,亦未有任何風吹草動,只可以話,總之政改若原地踏步,踢走梁振英嘅機會大減。

花生友

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載