蘋果日報 | APPLE DAILY
› 選擇地區
三藩市
紐約
洛杉磯
其他美國地區
2015年01月30日

曾任解款員「冇膽捧成箱走」

鍾英傑向記者展示年輕時遭養母虐打頭部留下的傷痕。

【本報訊】案中首名被起訴的被告鍾英傑,原來也曾任解款員,直言當時完全沒想過滿地的鈔票來自解款車,「冇理由用個紅A膠箱,冇封條又冇剩」,故以為是「唔見得光嘅錢」。

相關新聞:「一手攞得幾多就幾多」

「做過要認,唔使講嘢」

他憶述案發當日,他在公司樓下「蛇王」抽煙,突然聽到有青年大叫「我收工喇!我唔做喇!」他眼中只見「啲錢喺你面前飄吓飄吓」,多人步出馬路執錢,「我都係人嚟㗎,係有貪念。」當時他不見解款車。他「冇咁大貪」,最後只執了八千元,「有成箱喺隔籬,冇咁既膽捧佢走」。回家後,他亦沒有將執錢一事告知家人。翌日鍾花了六千元購買三星Galaxy Note4手機,一剎那以為橫財夢成真,詎料一日後同事向他展示相片,他方發現自己遭閉路電視拍下執錢過程,「前後左右、連patpat都影埋,仲要着住公司制服」,故往警署交還二千元,數天後警方到其公司拘捕他。被問到會否一場歡喜一場空,鍾指:「做男人要承擔,做過要認,唔使講嘢!」
鍾現任清潔工,日做十二小時,「做極都係二百蚊一日、做足十二年」。他說,一生也大起大落,他是孤兒,被富貴養父收養,小學時有平治汽車接送上學放學。惟養父過世後,養母不喜歡他,曾用木屐打他的頭,木屐上的釘扯去他的頭髮,令他至今左邊頭顱仍是光禿禿。他又做過保安員、護衞等,又曾開首飾工場,卻因遇人不淑被騙光金錢。他自言曾贏馬贏了十多萬元,六合彩也曾中過四個半字,亦算發過橫財夢。
早在十七歲時,鍾因在的士盜竊被判入教導所,他坦言日後「有生之年都唔好搞咁多嘢,安安份份」。
■記者林綺琪、陸羽平、戴國輝

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載