› 選擇地區
三藩市
紐約
洛杉磯
其他美國地區
香港 台灣 北美
 
2015年01月29日

阿信屋提早加薪7%留人

【本報訊】要留住好員工,除了發放花紅,最重要還是加人工。在港有逾二百二十間分店的759阿信屋,員工超過一千二百人,公司較往年提早三個月加人工,早在去年十月已加薪,售貨員平均加5%至7%,部份底薪高達逾萬元;資訊科技部員工平均獲加薪逾10%。老闆林偉駿慨嘆請唔到人,「一定要預早做,唔係競爭力會弱咗,冇人做」。

相關新聞:四叔派10個月花紅

籌辦活動增加溝通

阿信屋售貨員的薪酬與店舖規模和營業額掛鈎,生意做得多,每月獎金更多,售貨員每月獎金有數千元,經理級更達一萬元。林偉駿表示,去年十二月整體生意額按月上升5%至7%,料今個月再錄得同樣升幅,相信員工可以「過肥年」。但他坦言,對今年經濟持審慎態度,「邊有順風順水幾年㗎,呢幾年係我哋好彩」。
近年手機應用程式(Apps)大行其道,求才若渴。「唔係剩係錢可以解決問題!」Apps開發商MTel行政總裁黃明威表示,現時公司七成資源投放做客戶生意,三成則讓員工開發產品,讓員工發揮所長。過往曾以不同方式挽留人才,包括派花紅,但無助提高員工歸屬感。去年開始他在公司籌辦不同活動,如組隊跑馬拉松、踢足球等,「互動多咗,唔好淨係喺公司先有溝通」。
■記者王家文

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載