› 選擇地區
三藩市
紐約
洛杉磯
其他美國地區
香港 台灣 北美
 
2015年01月29日

東主夫婦曾塞麵條入客人口

老闆娘羅太被問及丈夫入獄一事表現錯愕,更向記者訛稱「老闆去旅行」。陸羽平攝

【本報訊】辯方昨求情指被告羅坤華絕非「惡死睖瞪」,犯案亦屬一反常態,記者昨訪問幫襯的街坊,他們均指老闆及老闆娘「冇乜嘢」兼「幾好人」,有人更特地由觀塘前來買麵。

相關新聞:不滿問完無光顧 羅坤發麵廠老闆追打女客官問:黑店嚟㗎?判監兩日

店內貼「冇心買唔好問」

惟有附近店舖的職員聞言即笑笑口稱:「係呀,個老闆好惡,兩公婆都惡!」試過有客人因拒絕交易,遭人手執麵條塞入口。
記者昨日到案發地點羅坤發粉麵廠,見到店內貼有多張「溫馨提示」,例如「冇心買唔好問」、「勿動手」、「再問多取膠袋每個五毫」、「請自行看價錢牌」、「買貨後不能退款退貨」等。粉麵店昨由羅妻坐鎮,記者問她丈夫入獄一事,她先顯得錯愕,隨即表示:「老闆去咗旅行,你等老闆旅行完返嚟答你啦!」她只肯說生意難做兼不時要受氣,更謂:「我都唔想惹事非……用粗口鬧,又鬧你執笠!」她不諱言「真係好難頂」。
至於附近街坊及店舖職員,則對被告施襲一事不知情,附近小店店東坦言,街市客的確「幾麻煩」,會「望嚟望去摸嚟摸去都唔買」,他笑言客人被罵亦屬「抵死」,但始終「打人就唔啱」,並強調「老闆真係好惡,成日鬧人」。他猶記得曾有客人幫襯時,指羅氏夫婦「秤多咗」,拒絕交易,雙方在街上起爭執,其間有人竟手執麵條塞入客人口中,客人最後氣沖沖離開,事件弄致滿地麵條,惟羅氏卻沒有清理。
昨有人特地由觀塘到旺角幫襯,有人向記者推介該店的上海麵。部份客人得知羅因打顧客而判囚後感到愕然,婉惜道:「其實好小事,磨擦實有,打人真係唔啱!」
■記者陳美莉、陸羽平

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載