› 選擇地區
三藩市
紐約
洛杉磯
其他美國地區
香港 台灣 北美
 
2015年01月29日

「習近平對改革有誠意」  
李柱銘信京會開閘

李柱銘相信一旦今次袋住先,中央很可能永遠保持假普選。馬泉崇攝

【本報訊】泛民與政府就人大八.三一框架僵持不下,民主黨創黨主席李柱銘根據過去政改談判經驗,相信北京到最後關頭會讓步,「今次中央未曾轉變過、未退過,所以我唔相信去到尾就係咁」,強調不反對泛民與政府就政改談判,但前提是必須改變人大八.三一落閘框架,又相信國家主席習近平對改革有誠意,對他「開番個閘」仍存一絲希望。
記者:林俊謙

相關新聞:當年成功爭取23條自行立法

民主黨創黨主席李柱銘接受本報專訪時表明,不能接受泛民在人大八.三一決定下「袋住先」,又稱中央由二○○七、○八雙普選,到二○一二年政改爭議,每次都說「袋住先好過冇」,「次次都袋住先,次次都唔知袋到幾時,呃得幾多次?我睇唔到今次袋住先,幾時會有真普選」。
李柱銘相信,一旦今次「袋住先」,中央很可能永遠保持假普選,「佢若然搵個仲衰過梁振英出嚟做,咁香港人點算?我情願佢委任,咁香港人仲可以嘈北京,但假普選後,北京就可以話係你哋選出嚟,咁香港人咪啞子食黃連?」
李柱銘坦言,覺得泛民與政府可以談判,但無理由在人大八.三一框架之下進行,因為在人大決定下,候選人只能由北京透過建制派主導的提委會欽點,「中央要揭番起個籠,咁先有得傾,要有一個民主派可以入閘同出閘嘅方案」。

“睇咁多次政改,每一次都有爭議性,但每一次臨到尾都有轉變。”

雖泛民與政府就政改僵持不下,但李認為政改不會就此告終,相信北京到最後關頭會讓步,「睇咁多次政改,每一次都有爭議性,但每一次臨到尾都有轉變,但今次中央未曾轉變、未退過,所以我唔相信去到尾就係咁」,又稱當年與時任港澳辦主任的魯平,就《基本法》中政改條文爭拗時,魯平指中央「只能讓一次」,近年就有中央在二○一二政改談判尾段,突讓步接受民主黨超級區議會方案。
李柱銘相信,中央現時在習近平高度集權下,其實絕對可以「開番個閘」,「我仍然有一線希望,因為我覺得習近平係有啲改革誠意,若果唔係咁多任國家領導人,個個把口都反貪污,但邊個有佢做得咁勁吖」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載