› 選擇地區
三藩市
紐約
洛杉磯
其他美國地區
香港 台灣 北美
 
2015年01月16日

隔牆有耳:
財爺黃藍呔 挑方丈機? - 李八方

財政司司長曾俊華打咗條黃藍雙色呔,仲要係黃多藍少㖭。
陳奕釗攝

前日特首梁振英喺立法會宣讀施政報告期間,新界王鄉議局主席劉皇發疑似為免「政治不正確」,急急喺梁振英進場前除咗條黃呔,點知說時遲那時快,梁振英啱啱喺佢身邊行過,攞住黃呔嘅發叔有啲尷尬。噚日梁振英再到立法會出席答問大會,發叔終於跟番建制大隊,打番條淺藍色呔任影唔嬲,仲指住條呔同其他議員、仲有政制及內地事務局局長譚志源等等傾得好投契。

「顏色唔係任何人專利」

而喺發叔從藍之時,盛傳同梁振英唔多啱key嘅財政司司長曾俊華,卻打咗條黃藍雙色呔現身,仲要係黃多藍少,令唔少議員行注目禮,唔通佢藉此向方丈挑機?八方問過財政司司長辦公室,財爺打上黃藍呔,係咪別有用心?發言人話喎,任何顏色唔應該係任何人嘅專利。據聞財爺噚日朝早係冇分「色」隨心揀呔喎。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載