› 選擇地區
三藩市
紐約
洛杉磯
其他美國地區
香港 台灣 北美
 
2015年01月13日

陳振彬:大學生申公屋放棄自己

【本報訊】特首梁振英明天發表施政報告,預料將提出政策協助青年向上流動。青年事務委員會主席陳振彬接受有線新聞專訪時,形容大學生畢業後申請公屋是放棄自己,直指青年理念歪曲。
2009年獲委任為青年事務委員會主席的陳振彬,工作主要就青年政策向特區政府出謀獻策。他指本港的青年為住屋「頭痛」,大學生畢業後就申請公屋,是放棄自己,「唔好一讀完大學畢業就去申請公屋,我覺得好心傷,冇理由咁快放棄自己」。

「做五年嘢有首期」

陳更稱「我做佢五、六年嘢,我就開始畀首期去供間樓屬於自己,呢個先係年輕人嘅朝氣,所以我覺得理念上有些少歪曲咗」。
公屋聯會總幹事招國偉則認為,年輕人申請公屋皆因對前景沒有信心,加上樓價及租金不斷飆升,連居屋也難以負擔,既然年滿18歲即可申請公屋,「又唔係犯法,作為一個住屋嘅保障同選擇,我覺得畢業生申請公屋合情合理。反而政府應該多聽年輕人想法,施政先能夠貼近民情」。
未畢業已輪候公屋的大學生何小姐批評樓價高企,港人只想有一個安樂窩,不認同申請公屋是放棄自己,「唔通佢想我哋住劏房咩?」
■記者譚靜雯

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載