› 選擇地區
三藩市
紐約
洛杉磯
其他美國地區
香港 台灣 北美
 
2015年01月12日

【一周必看】
李秉憲跟小三露骨sms被公開

韓國人夫李秉憲同女星李智妍單桃色官司到而家為止都未有結果,而開庭至今李秉憲一直都否認同李智妍有路,令李智妍淪為「大話小三」。不過韓國傳媒Dispatch日前就驚爆李秉憲同李智妍由第一日認識去到斬纜嘅從未公開過嘅過程,仲公開咗二人「露骨」嘅短訊內容,震撼各界。

Dispatch喺報道入面聲稱同事件相關人士做過訪問,話李秉憲由第一日見面就已經主動向李智妍埋身,問對方拎電話,仲主動話幫對方交電話費。之後,喺公開嘅短訊對話所見,李秉憲先後拎住禮物上李智妍屋企,其後疑似多次對李智妍作出親蜜行為外,更多次暗示想發生性關係。當中,李秉憲喺短訊表示:「今晚menu係咩?」其後李智妍反問:「你想呢?」李秉憲就話:「你」。

另外,報道表示李智妍多次用藉口拒絕李秉憲,最後李秉憲覺得唔耐煩,決心斬纜。事後,李智妍因為覺得李秉憲一直以來只係當佢係性關係情人而決定報復。

消息公開後,李秉憲再次受到網友嘅抨撃,而李秉憲嘅所屬公司就例排否認,話報道嘅短訊對話唔屬實,正考慮以法律行動嚟應對。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載