› 選擇地區
三藩市
紐約
洛杉磯
其他美國地區
香港 台灣 北美
 
2015年01月12日

政壹花生友:
「公我贏 字你輸」
- 花生友

何俊仁(左)預告辭職公投,立會否決政改後實行,時機受質疑。

作為一個花生友,原本對班政治人物言行抽吓水係無可厚非,但係花生友覺得,抽水有時唔好太離譜,次次都係「公我贏、字你輸」,咁抽水法就唔係好合理囉。好次最近民主黨何俊仁話政改投票後,會辭職公投,就有班熱血友同勇武派,玩「公我贏、字你輸」抽民主黨水喎。
何俊仁話政改投票後,會辭職發動變相公投,好多人包括班熱血友、勇武派,即刻喺網上抽水,話投完票先辭職,有乜用呀?!!不過花生友就覺得,熱血友、勇武派咁抽法就有問題嘞,因為有人同花生友講,曾幾何時,教主毓民喺佢個網台節目話,民主黨如果喺政改投票前辭職公投,就係要開條路畀政府,等公投輸咗就大條道理投共,就政改方案「袋住先」,於是成班熱血友、勇武派即刻就喺網上出post,話邊個喺政改投票前辭職公投,就係鬼。

乜都唔搞又鬧

輪到何俊仁宣佈,政改投票後先辭職公投,班熱血友、勇武派又話喎,投完票先公投有鬼用,狂鬧民主黨想搶光環、搶選票、肯定係鬼、點都唔投民主黨。即係咁講,係咪只要逢係民主黨、何俊仁帶頭做,不論喺政改投票前或者投票後搞辭職公投,都係錯先?咁不如乜都唔搞,齋否決政改就算囉!點知有民主黨人同花生友話,「乜你唔知早排班熱血友先鬧我哋齋否決乜都唔搞,係政棍、飯民、冇X用咩?」對住熱血友,認真大家就會輸。

花生友

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載