› 選擇地區
三藩市
紐約
洛杉磯
其他美國地區
香港 台灣 北美
 
2015年01月10日

亞視直播 港台照寸冇糧出
祖兒11連霸無敵封歌后

【本報訊】港台「第37屆十大中文金曲頒獎音樂會」昨晚在紅館舉行,容祖兒及張敬軒成為大贏家,分別橫掃四個獎,祖兒更11連霸奪得最優秀流行女歌手獎,最優秀流行男歌手獎則由缺席的陳奕迅捧走。港台雖為政府電台,但昨晚卻毫不忌諱提及連儂牆及獅子山精神,亞視昨晚直播節目也難逃被寸冇糧出的命運。
記者:黃君怡 盧坤穎

近年樂壇頒獎禮經常被指星光黯淡,參與歌手買少見少,元旦日在商台勇奪叱咤樂壇女歌手金獎的楊千嬅昨晚未有現身港台頒獎禮慘食白果,同樣缺席的陳奕迅則獲頒三個獎項,更10連霸奪得「最優秀流行男歌手獎」(詳見附表)。

母親台下支持

優秀流行女歌手獎外,還得到十優歌手、全年最高銷量女歌手大獎及憑《天然呆》得金曲獎,祖兒領獎時感觸地說:「11年呢個時間,我要多謝你哋風雨不改支持及愛護我,以為呢份愛係親人先畀到我,我係好幸運嘅人,永遠堅守責任,唱好歌畀大家聽。」而祖兒早前患癌的母親亦有現身觀眾席支持。
張敬軒首奪「全國最佳歌手獎」及「全年最高銷量男歌手大獎」等成為男歌手大贏家,他說:「冇諗過呢個時間攞呢個獎,唱片公司簽咗兩年,多謝大哥(吳雨),苦口婆心不斷催谷我出唱片,因為我擺咗其他時間喺其他工作。」

昨晚的「金針獎」由填詞人盧國沾奪得,坐輪椅出場的盧國沾在台上說:「1968年入行,一千首歌咁寫咗我40幾年,將近半世紀,好多謠言,今次攞獎同羅嘉良有關,我哋冇乜事嘅。」而跟盧國沾傳不和的徒弟羅嘉良全程陪住師傅,更一度跪在輪椅邊伴着對方。另外,譚詠麟昨晚獲頒今年才新增的「名人堂」,負責頒獎的曾志偉則笑他因為演唱會門票賣得不好,故出來領獎當宣傳。
今年港台一改無綫轉播的傳統,頒獎禮由亞視直播,主持梁榮忠暗寸亞視冇糧出:「香港得一個免費電視台,睇同負責拍嘅都免費,先至可以叫做免費。」其後又講笑叫得獎歌手領獎時可以盡情講感受,因為亞視廣告只是300幾元,他都畀得起。

主持狂寸警察

成龍的兒子房祖名昨日在北京受審,他仍被主持嘲笑,羅啟新和曾志豪提到成龍《警察故事》做《警訊》主題曲多年,羅啟新說:「我八到可能呢首歌要改。內地警察形象要與時並進,正如我哋警察一哥話警察如慈母保護市民。」之後他們大唱夏韶聲《媽媽我沒有做錯》。二人又講笑說現在揀獅子山左邊臉賣廣告最好,掛了還有人幫你拆,句句寸到盡。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載