› 選擇地區
三藩市
紐約
洛杉磯
其他美國地區
香港 台灣 北美
 
2015年01月09日

黃之鋒:係咪想整多幾個我?

【本報訊】2012年反國教一役初露頭角的學民思潮召集人黃之鋒,質疑陳佐洱的補腦言論是借勢重推國民教育:「佢只不過係會再去喚醒年輕一代,再次投身社會運動。好坦白講,如果冇國民教育科,亦都唔會有今日嘅黃之鋒,佢係咪想整多幾個黃之鋒出嚟呢?」他指若國教重來定必再引起反國教運動(下圖),更激發對中央不滿和不信任意識。

相關新聞:《基本法》:局長對立法會負責

「老師冇逼你黃定藍」

陳佐洱形容佔領期間教育亂象叢生,黃之鋒反駁指年輕人參與政治運動是源於不滿政府,絕非教育亂象,「青少年政治參與,通識科都有教,你可以自己選擇支持佔領或反對佔領,你鍾意掛黃絲帶定藍絲帶,冇人阻你,老師亦冇威逼你一定要係黃定藍」。他又指,揮動港英旗、衝入解放軍軍營只屬少數人,「點解你要憑少數人所講嘅嘢,就定奪全個學界有問題,咁係強詞奪理嘅做法」。
先有北京護法前指香港教育要去殖民化,再有陳佐洱指港生要補腦。但黃之鋒指出,接連有學生被沒收回鄉證、拒絕入境內地,是中央政府拒絕讓年輕人去認識國家,「你有乜資格話香港年輕人唔願意了解國家,𠵱家係國家唔願意畀年輕人去了解」。
■記者王家文

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載