› 選擇地區
三藩市
紐約
洛杉磯
其他美國地區
香港 台灣 北美
 
2014年12月23日

認寄相但不想做模特兒 壓力大𠝹手
齊昕:龍蝦媽媽幾好笑

【本報訊】經常在網上發表惹火言論,公開批評母親梁唐青儀,又曾寄相片到模特兒公司的梁振英大女梁齊昕,接受報章專訪,直言自己麻煩且硬頸,性格反叛,我行我素,承認是自己寄相給幾間模特兒公司,旨在回覆對方指自己對做模特兒的興趣不大時,順便寄給其他模特兒公司。對於母親被嘲是龍蝦,梁齊昕回應說:「幾好笑」。
記者:姚國雄 林偉聰

相關新聞:行斜路返學 遭舊生質疑

今年23歲的梁齊昕,最近紅遍網絡,事緣近日她向多間模特兒公司主動寄出多張照片,在電郵表明自己對模特兒行業很有熱誠:「我極之有興趣成為一個模特兒」,更在電話稱任何機會都可以,平面、電視廣告也有興趣。
但她在昨日刊登的《都市日報》專訪中,態度卻180度轉變,指自己原來是對成為模特兒的興趣不大:「本身係有model agency(模特兒公司)搵我先嘅,咁我本身冇乜興趣,我禮貌reply(回覆)番,咁我順便send(傳送)埋畀其他咁多間(模特兒公司),個電郵係我send嘅,啲相都係我send嘅。」

被hack性感自拍照

當中有兩張相當性感的照片,分別是她裸露半胸及全身泳衣的自拍照,梁齊昕則否認是她寄出:「嗰間模特兒公司爆我啲資料出嚟,亦都hack(入侵)咗我兩張相出嚟,爆咗出嚟畀媒體,我會保留法律追究嘅權利。」經常上載自拍照,梁齊昕指不是覺得自己靚,只是認為後生女均喜歡自拍:「fb係咁玩嘛。」
梁齊昕又回應她在今年年中𠝹手自殘,把相片上載一事。她解釋,當時情緒低落,皆因對自己的要求很高,令壓力很大:「可能自己讀法律,思考上鑽咗牛角尖,做咗啲儍事,當時父母即刻飛過來睇我,我只係一時間情緒唔穩定。」

相關新聞:CY不知情 急發訊息質問

性格反叛包拗頸

在訪問中,她以「I'm just(我只是)齊昕」來強調自己只是普通人一個,但稱不會抱怨自己是特首的女兒:「如果話係壓力係包袱,咁講我覺得係好折墮,咁privileged(受優待),咁多機會,跟住你話『好辛苦,好大壓力,係一個包袱』,我唔可以(咁講)。」
談到家庭生活,梁齊昕指媽媽緊張她的學業成績,梁振英則緊張她的做人態度、禮貌、家教和責任感,哥哥與妹妹性格內向,相反她就較外向。曾經公開批評母親的她,被問到與母親關係時說,「可能我性格反叛,包拗頸,我所有同年紀嘅女仔同媽咪嘅關係都係差唔多,ups and downs(有起有落),好普通,冇乜嘢。」她的母親衣着被指嚇人,近日一身紅裙被嘲是龍蝦,梁齊昕回應此花名時說:「幾好笑」,自己因而被稱為龍蝦女。
本報昨曾就梁齊昕受訪一事向特首辦查詢詳情,截稿前未獲回覆。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載