› 選擇地區
三藩市
紐約
洛杉磯
其他美國地區
香港 台灣 北美
 
2014年12月23日

隔牆有耳:
懲教署一哥退休唔敢搞生意 - 李八方

單日堅首次開放辦公室畀傳媒,入面有幅單sir親手提嘅字「公道」。李錦鏵攝

懲教署署長單日堅聽日平安夜Last day,26號正式展開退休前休假,結束35年懲教生涯。咪以為單sir急不及待即刻遊埠嘆世界,佢話懲教工作其實好忙,開始放假先會認真同太太研究去邊旅行,最快農曆年後至出發。佢話暫時冇人邀請佢做公職,更唔會搞生意,「印象中公務員退休從商都係失敗居多」,但有興趣做青少年工作,仲要義務嗰種。

呻民研次次五大不入

35年懲教生涯,單sir印象最深係工作最耐嘅赤柱監獄保安組,主要係收集情報、調查監獄入面嘅非法活動,甚至懲教職員操守不當都要負責,同警隊CID差唔多。而在任署長呢4年幾,單sir話自己畀自己嘅工作絕大部份都完成晒,係一個完美嘅句號。佢噚日仲首次開放署長辦公室畀傳媒參觀,入面有幅單sir親手題嘅字「公道」,係佢做懲教嘅格言。
臨別依依,單sir仲記得幫手足抱不平。話說港大民研每半年都會就紀律部隊進行調查,懲教次次五大不入,「一般市民唔係懲教服務使用者,都冇接觸過,唔識㗎嘛!」佢話已經同港大反映,但仍然冇改變,有啲耿耿於懷囉。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載