› 選擇地區
三藩市
紐約
洛杉磯
其他美國地區
香港 台灣 北美
 
2014年12月23日

每隻成本唔使一蚊

【宣傳照】
海港酒家的宣傳圖片顯示,鮑魚size如燒賣。互聯網

【本報訊】有食客對鮑魚燒賣嘖嘖稱奇,甚至稱有冬菇味,亦有茶客咬落「有香口膠味但冇鮑魚味」,有街巿檔販一眼認出大連培植鮑魚苗,由於價錢廉宜,較受長者歡迎。
售賣大連乾鮑的德興海味資深店員黃伯,親嚐海港鮑魚燒賣後估計是鮑魚苗,他表示:「叫做有少少味……市面上都冇咁細,係剛剛培植出嚟,即係冇落過海。」

相關新聞:海港酒家燒賣宣傳圖片大隻鮑魚 實際size如一毫子

體積小 滋補效果細

黃伯指海味店不會售賣同類鮑魚仔,因為體積細,滋補效果大打折扣,「鮑魚苗功效當然細啦,(食幾多)都冇用㗎!」
九龍城海鮮檔主唐小姐則認出過往曾買入該類鮑魚仔,並且以20元一盆20至30隻出售,由於一隻不用一元,深受長者歡迎,但其後發現該批鮑魚仔養不大,放在檔內兜售時,不足一日便會死亡,損耗較多,自貨源緊絀後已沒有發售,不過間中仍有公公婆婆前來問津。
中醫師公會會長關之義認為鮑魚有滋陰及補肝腎作用,適合陰虛體質的人,最佳食法是連同冬蟲草及淮山等中藥煲湯飲用,清蒸雖同樣有療效,但不適用陽虛陰盛的人士食用,因鮑魚蒸煮過久會變韌,進食後容易消化不良。
記者:莫家文

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載