蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年12月13日

八方人物:
尹兆堅想做民主黨「膠水」

尹兆堅

民主黨周日改選領導層,45歲、葵青區議員尹兆堅首度出選副主席。尹自言若當選,對內希望做「膠水」,加強黨內團結,對外則「跑前啲」,更不只緊跟「八股式」的 Party line(黨路線),帶出改革形象

「唔型囉」青年拒入黨

作為本地老牌政黨,民主黨在年輕人眼中很「老餅」。尹兆堅笑稱試過叫支持民主黨的年輕朋友入黨,對方拒絕並回以「入民主黨唔型囉」,故此一旦當選,重點工作包括吸納新黨員。
2010年政改後,民主黨被指「和理非非」,路線進退失據,尹認為問題不是出於黨的路線、定位:「我哋呢幾年形象,或者叫位置失利,係激進嘅會將民主黨作倒影,二元對立,我激你唔激,你就係錯;但今次佔中,地區俾人鬧得最多又係民主黨,因為地區枝葉多,大部份市民,反對佔中或建制支持者都以我哋作為批評、出氣對象,最激又不滿意你溫和路線,最保守又以你為(泛民)最大板塊來睇。」
尹兆堅說,民主黨要一改過去「八股式」的論述,在資訊爆炸的年代,回應要快且準,「講論述係好短,其實只係講立場,要一點到位」。
另一個改革方向則是最基本的地區組織工作。尹指不只民主黨,整個泛民在地區組織工作較建制派落後8至10年,「建制派分票機械係接近完美,分票到位,可以分到最後一千幾百票落去邊度,上一次(選舉)係做到,我哋去唔到呢個水平」。
今年民主黨有4人競逐主席,尹自言與4人均合得來,加上人到中年,明白年輕人為何要「激」,亦明白部份元老顧慮,相信可起「膠水」作用,做好黨內溝通、團結的角色。對外則望走得更前,帶出黨銳意革新形象。
民主黨今次選舉一改過去授權票能左右選情的情況,每人最多只可取5張授權票,不會出現「大戶」,變相增加拉票難度。

記者:陳雪玲

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載