› 選擇地區
三藩市
紐約
洛杉磯
其他美國地區
香港 台灣 北美
 
2014年12月13日

82歲婆婆撐青年無私付出

麥婆婆。

【本報訊】82歲的麥瑞芳婆婆總是很支持學生。前日在金鐘留守至最後一刻,又勸喻女學生先離開,以免學業受累,場面感人。她說只因「唔想學生仔孤單」;她對政黨議員信心盡失,昨日說起學聯秘書長周永康,也道:「如果佢入去做議員,我都支持佢嘅,佢會為我哋做嘢」。她十分強調學生無私地付出,「佢哋唔係為自己,但出咗好多力」。

相關新聞:被捕期間獲「五星級服務」

相信警察有同道中人

近日社會上有呼聲,促學生領袖等新生代組黨參選,推動變革,堅持與學生共同進退的麥婆婆,也說對學生有信心。麥婆婆坦言:「我對議員冇好感」,認為現時很多政黨人士,不管在立法會或區議會,終日「掛住做騷,都唔係為我哋做嘢……學生入去選,我就唔擔心,我支持嘅」。她認為周永康、黃之鋒等學生領袖,「做好多嘢,出好多力,唔係為自己囉,自己都係得益少少」。
麥婆婆前晚約7時被捕,昨晨6時多獲無條件釋放,坦言「好攰呀,又凍,凍到我腳痛,好彩都有氈冚」。說到被捕的過程,麥婆婆大感不滿,指不少警察太粗暴。她說,在金鐘拘捕她的女警過份用力,「鍊到我好痛呀!我同佢講,我又唔係暴力,仲乜咁喎」。她又感到負責搜身的女警太粗暴,「掃我個身掃得幾犀利呀,連我個袋仔收埋錢嘅都摷埋,我又唔係做賊」,只有裝着報紙的背包,也被仔細檢查。
不過,到了警局,遇到的警員則相對溫和得多,她說:「斟暖水我飲,又同我講笑,可能因為我老啦」。她亦相信,警察當中有不少同道中人,「我哋係和平集會,為佢哋爭取嘢喎……始終佢都鍾意民主嘅,不過唔敢做啫。不過有警員話呀:阿婆你使唔使講得咁白呀!」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載