蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年12月02日

自由黨改選 方剛接任黨魁

田北俊(右)握手恭賀方剛接任新黨魁。

【本報訊】自由黨領導層昨改選,批發及零售界立法會議員方剛接替田北俊出任黨魁,主席則由紡織及製衣界立法會議員鍾國斌接任。方剛表明,自由黨堅守中堅中立,「唔係吹雞就埋位」,而田北俊的敢言作風亦依舊不變。
田北俊因為力促梁振英考慮辭職而被中央免去全國政協委員職務後,辭去黨魁一職,引發自由黨更換領導層,並在昨天改選,最終方剛成為新任黨魁、黨主席則由鍾國斌接手、副主席則由東區區議員邵家輝接任。原任黨魁的田北俊和原任主席周梁淑怡則成為榮譽主席,與現任榮譽主席劉健儀「齊名」。

「唔係吹雞就埋位」

方剛被問到會否請梁振英考慮下台,他先笑稱自己非政協,其後表明,叫梁振英下台並不能解決眼前問題,因為無論誰上台,也不能推翻人大常委會8.31決定:「我認為今次佔中,小朋友、學生要求嘅嘢,特區政府係咪可以畀到你?好多嘢唔係特區政府理得到,係北京政府,所以示威者要求嘅嘢要合理啲……你要佢落台,第二個上嚟都係做唔到。所以我哋唔係一定要佢落台。」而田北俊稱,方剛回應這條問題「答得非常之好」。但田不忘力促梁多交朋友,包括相約泛民見面。
方剛亦指,該黨與中聯辦關係非常之好,今後會繼續定期與中聯辦會面,保持良好關係,但強調「唔係吹雞就埋位」,會堅守黨的理念和原則。至於與梁振英政府的關係,他指,現時黨的管理層有新面孔,應有新嘗試,梁振英已相約該黨立法會議員月中前到特首辦午宴,相信此舉是友善表示,想拉近關係。田亦一定應邀出席:「唔信田少會咁小器。」方剛重申,上任後不會成為田北俊的扯線公仔,亦不會模仿田北俊,「要我扮田少,我唔識扮,扮都唔似」,而自由黨立場作風不會因他上場而改變,田會繼續「做番自己」、「叫佢唔出聲亦冇無可能」。

林大輝將入黨接棒

另外,外界一直盛傳,現為立法會新界東直選議員的田下屆不再競逐連任,欲拉攏同樣是建制派內較中立的工業界立法會議員林大輝入黨,「如無意外」林將會在下月入黨,以便接棒下屆立法會新東直選。
方剛稱:「佢好多地方同我哋理念比較接近,如果佢肯嚟我哋自由黨,係如虎添翼。我哋唔會唔接受,最緊要佢唔會有咩意外發生。」方剛指,林會專注該黨的新界東發展,笑言林不會出任黨魁,否則自己會成為最「短命」的黨魁:「我諗唔會(林做黨魁),其實我係好樂意(退下來)。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載