› 選擇地區
三藩市
紐約
洛杉磯
其他美國地區
香港 台灣 北美
 
2014年11月27日

郭榮鏗:是時候退場轉攻社區

不少示威者仍堅守金鐘佔領區,認為只有佔領街頭才能向政府施壓。黃耀興攝

【雨傘革命 第61天】
【本報訊】多個民調均顯示市民壓倒性支持佔領者退場,代表法律界的公民黨立法會議員郭榮鏗也認為,佔領者不能無了期佔領街道,呼籲佔領者要思考前路,不要如政府般喪失民意,而退場只是改變戰場,轉到民間「主場」,讓民主、公平、公義理念,在社區深耕細作,進行長期抗爭。
記者:姚國雄

郭榮鏗接受訪問時直言,繼續佔領下去並非出路:「我認為唔能夠無止境咁佔領街道,呢個唔係有效嘅抗爭方法……我認為要諗吓點樣將個運動持續,持續方法絕對唔係無了期佔領街道,而係點樣將今次運動轉化成為一個長期嘅爭取運動,否則只會將個運動推到一個冇得再推嘅地步。」

相關新聞:金鐘佔區料聖誕前清場

不要與政府犯同一錯誤

兩個月的佔領運動,只能「成功爭取」一份未有內容的民情報告、沒有細節的多方平台,尚未令人滿意,郭榮鏗明白佔領者不滿,認為只有佔領街道才能向政府施壓。
但郭榮鏗認為,佔領者需要運用智慧,不要與特區政府犯下同一錯誤:「呢個政府係唔聽民意,所以我哋(佔領者)更加唔可以失咗民意……我認為調查已經反映八成人也認為應該撤離、退場,但係其實呢八成人之中,有相當部份都係支持學生嘅理念,佢哋唔係話佔領者唔應該咁做,唔係話佔領者嘅理念係錯,佢哋係認為你(佔領者)爭取嘅嘢係啱,但係呢個階段,係時候要轉化。」
如何轉化,郭榮鏗認為退場只是改變戰場,由街道移師社區,在民間宣揚公平政制、公義社會,只要肯深耕細作必有收成。

堅持法治沒受到破壞

郭表示,「其實今次雨傘運動都係咁多年深耕細作嘅成果,我哋要繼續做呢啲事,繼續話畀香港人聽,學生爭取嘅係乜嘢,民主同公義社會點樣互相關連,如果政制、民主唔公平,社會亦都會出現好多不公平、不公義嘅事情」。
建制派天天高唱「佔領運動破壞法治」,郭榮鏗堅持,香港法治至今仍沒受到破壞,更是健全穩固。
郭榮鏗認為,最能夠破壞法治是掌權着左右法官判案、要求法官愛國、透過釋法滿足自己的政治目的人,又認為香港的未來是屬於年輕人,中央、特區政府逃避不了他們的訴求:「呢班後生仔唔會忘記呢兩個月來發生嘅事,呢班人就係未來香港嘅棟樑、未來,政府係咪能夠長期唔理呢班後生仔,唔理佢哋嘅訴求呢?」

相關新聞:涉打人7警事發42日後遭拘捕

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載