› 選擇地區
三藩市
紐約
洛杉磯
其他美國地區
香港 台灣 北美
 
2014年11月22日

隔牆有耳:
群星聲演《好聲》 圓霑叔遺願 - 李八方

查良鏞支持《射鵰英雄傳》《好聲》版本(上圖)。蕭潮順提供圖片

一把好聲,能觸動心靈,一本好書,能洗滌心靈;如果能夠將兩者結合就好到極,10年前霑叔就打造一系列發聲書《好聲》,但未竟全功,僅做咗一本李我《好聲》就離世,並向其拍檔、資深傳媒人蕭潮順留下一句遺願:「我希望為香港留下最美麗動人嘅聲音。」
10年後,蕭潮順好高興同恩師霑叔講:「雖然係遲咗10年嘅承諾,但我十倍奉還,做咗10本《好聲》。」蕭潮順話,當年做一本《好聲》,今次做埋五卷《射鵰英雄傳》、《帝女花》等10本,仲齊集全港好聲人物「聲演」,包有羅家英、陶傑、吳錫輝、羅蘭、林海峰等,「大家都知道《好聲》系列係做給長者聽,結果一呼百應。查良鏞先生都好支持,將佢所有小說聲音版權畀我做《好聲》」。

首批一萬本送畀老人家

蕭潮順話,首批一萬本《好聲》,莎莎「美麗人生慈善基金」主席郭少明買晒,送畀社福機構包括耆康會等,「我好希望,後輩中秋送嘢畀老人家唔會送月餅,送《好聲》,老人家仲高興」。
八方試聽,揭開《射鵰英雄傳》《好聲》系列,操作好簡單,只要按開關掣,再揭開書頁,先嚟一下巨雕響徹雲霄叫聲,之後,就有群星聲演,過癮。《好聲》每本賣168元。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載